Homeఅధ్యయనంకోవిడ్ అసలు విశ్వవ్యాప్త వ్యాధియేనా? కొన్ని ప్రశ్నలు- కొన్ని సమస్యలు

కోవిడ్ అసలు విశ్వవ్యాప్త వ్యాధియేనా? కొన్ని ప్రశ్నలు- కొన్ని సమస్యలు

కరోనా వైరస్ లు మనకు కొత్త కాదు. వాటిని మొదటిసారిగా 1930ల్లో జంతువుల్లో కనుగొన్నారు. తరువాత 1960 ల్లో మనుషుల్లో కూడా గుర్తించారు. మనకు మామూలుగా వచ్చే జలుబు కూడా కరోనా వైరస్ వల్లనే వస్తుంది. సార్స్ వ్యాధి కూడా అంతే. అందువల్ల కరోనా వ్యాధి అనేదే లేదని నేననటం లేదు.

కానీ మనం కొన్ని నిజాలు తెలుసుకుందాం. గడచిన సంవత్సరంలో లాక్ డౌన్ రోజుల్లోనూ, లాక్ డౌన్ తరువాతి రోజుల్లోనూ ఎన్నో పెద్ద పెద్ద రాజకీయ రాలీలూ సభలూ జరిగిన తరువాత కూడా మనదేశంలో ఇప్పటివరకూ వచ్చిన కరోనా కేసులు కోటీ పదహారు లక్షలు. వీటిలో కోలుకున్న కేసులు కోటీ పదకొండు లక్షలు. మరణాలు ఒక లక్ష అరవై వేలు. అంటే కరోనా వల్ల మరణాలు మొత్తం కేసుల్లో 1.3% మాత్రమే. అంటే దాదాపు 98% ప్రజలు కరోనా నుంచి కోలుకుంటున్నారు. అమెరికా విషయంలో కూడా, ఇప్పటికి రెండు కోట్ల తొంభై ఎనిమిది లక్షల వరకూ కేసులు వచ్చినా చనిపోయిన వారి సంఖ్య 5 లక్షల 21 వేలు దాటలేదు. ఇది కూడా మొత్తం కేసుల్లో చూస్తే 1.8% మాత్రమే. ప్రపంచ వ్యాప్తంగా సగటు మరణాల సంఖ్య కూడా ఇలాగే వుంది. ప్రపంచం మొత్తం మీద 700 కోట్ల పైగా వున్న జనాభాలో 12.37 కోట్ల కేసులు నిర్ధారితం అయినాయి. వీరిలో 7.02 కోట్ల మంది కోలుకున్నారు. 27.25 లక్షల మంది మరణించారు. మొత్తం కేసుల్లో ప్రపంచవ్యాప్తంగా మరణాల శాతం 2.02% మాత్రమే. ఏ విధంగా ఇది విశ్వవ్యాప్త ప్రాణాంతక వ్యాధి అని నిర్ధారిస్తాం?

నిజమే. కొంతమంది చనిపోయారు. కానీ వాళ్ళెవరు? దీనితోపాటు ఇతర వ్యాధులు కూడా వున్నవాళ్ళు, చాలావరకూ పట్టణ ప్రాంతాల వాళ్ళు, అలోపతీ వైద్యశాలలకు వెళ్ళినవాళ్ళూ, ప్రయోగాత్మక దశలో వున్న మందులు తీసుకున్నవాళ్ళు, వెంటిలేటర్ల మీద ఉన్నవాళ్ళు… చనిపోయినది వీళ్ళే. ఇళ్ళలోనే ఉండిపోయి గ్రుహ వైద్యం చేసుకోవటం, లేదా ప్రాథమికమైన మందులు వేసుకోవటం లేదా ప్రత్యామ్నాయ వైద్య విధానాన్ని అనుసరించటం చేసిన వాళ్ళలో మరణాలు సంభవించాయన్న వార్తలు మనం అతి తక్కువగా వింటున్నాం. మనం ప్రభుత్వాన్ని ఒక ప్రశ్న వేయాలి. కోవిడ్ రోగులకు వైద్యం చేయటానికి హోమియోపతీ, ప్రక్రుతి వైద్యం, ఆయుర్వేద వైద్య విధానాల్లో చికిత్స చేసే వైద్యులకు ఎందుకు అనుమతి ఇవ్వలేదు? ఎటువంటి దుష్ఫలితాలూ మరణాలూ లేకుండా కోవిడ్ రోగులకు నయం చేశామని రుజువులు చూపించే ప్రయత్నం చేస్తున్నా ఎందుకని వారి మాటలు వినటం లేదు? ఇతర వ్యాధులతో వున్నవారికి హాస్పిటల్స్ లో వైద్యం ఎందుకు నిరాకరిస్తున్నారు? వీళ్ళలో ఎంతమంది చనిపోయివుంటారు? ఇలాంటివాళ్ళ గురించి ఏ లెక్కలూ లేవు. చివరగా, మనం పల్లె ప్రాంతాల్లో చూస్తే పొలాల్లో పనిచేసేవాళ్ళూ, ఎండలో చెమటోడ్చే వాళ్ళమీద ఈ వ్యాధి ప్రభావం అతి తక్కువగా వుంది. అంటే మనం ఈ నిజాన్ని చూడటానికి నిరాకరిస్తున్నామన్నమాట.

ఇది చూడండి. 2017 లోనే డాక్టర్ ఆంథోనీ ఫోచి, ఈ అమెరికన్ ప్రెసిడెంట్ (ట్రంప్ ) పాలిస్తున్న కాలంలోనే ఒక ‘ఆశ్చర్యకరమైన వ్యాధి’ విరుచుకు పడుతుందని చెప్పాడు. అతనేమైనా జ్యోతిష్కుడా? కాదు. కానీ ఇప్పుడొచ్చిన కరోనా వైరస్ తయారు చేస్తున్న వుహాన్ ప్రయోగశాలకు నిధులు పంపించింది ఆయనే. అక్టోబర్ 18, 2019 న జాన్ హాప్కిన్స్ యూనివర్సిటీలో ఈవెంట్ 201 అనే సిమ్యులేషన్ టేబుల్ టాప్ ఎక్సర్సైజ్ ప్రదర్శించబడింది. దీనికి నిధులు సమకూర్చినది ప్రపంచ ఆర్థిక వేదిక, బిల్ అండ్ మెలిండా గేట్స్ ఫౌండేషన్. ఆ ఈవెంట్ లో జరిగిన చర్చలు, అక్కడ చివరకు చేయబడిన సిఫార్సులు, ఆ తరువాత కోవిడ్-19 అని పిలవబడే విశ్వవ్యాప్త వ్యాధి వ్యాపించిన దశలో పాటింపబడ్డాయి. ఆ సిఫార్సుల్లో లాక్ డౌన్లు, మాస్క్ లు ధరించటం, సామాజిక దూరం వున్నాయి. అంతేకాదు, “వ్యతిరేకమైన సమాచారాన్ని అణచివేయటం” అనే సలహా కూడా ఇందులో వుంది. అంతేకాదు ఈవెంట్ 201 సిమ్యులేషన్ ఎక్సర్సైజ్ లో కనబడిన విశ్వవ్యాప్త వ్యాధి వచ్చింది కూడా ‘కరోనా’ వల్లనే. దాని రూపం కూడా అచ్చుగుద్ధి నట్టు మనం ఇప్పుడు చూస్తున్న కరోనా వైరస్ లాగానే ఉండినది. ఇది నిజంగా కాకతాళీయమేనా?

ఈవెంట్ 201 అయ్యి కొన్ని వారాలు గడిచాయో లేదో, మనం ఈ చైనీస్ వ్యాధి గురించి విన్నాం. ఇది ఒక్క వుహాన్ లోనే వ్యాపించింది. పక్కన బీజింగ్ లో రాలేదు కానీ ప్రపంచం అంతటా వ్యాపించింది. ఇక మీడియా అత్యుత్సాహంతోనూ ఎలాంటి అనుమానమూ లేకుండానూ వ్యవహరించింది. సార్స్, నిపా, క్షయ లాంటి వ్యాధులకు ఏమాత్రం భయపడకుండా తేలిగ్గా తీసుకున్న భారత ప్రజలను కూడా మిగతా ప్రపంచ జనాభా లాగానే కరోనా వ్యాధి గురించి ఒక్కసారిగా భయపెట్టటం జరిగింది. తరువాత మనల్ని ఇంటి నాలుగ్గోడల మధ్యా కూర్చోమన్నారు. మాస్కులు వేసుకోమన్నారు. మిత్రులను కలవవద్దు, ఆఫీసులకు వెళ్ళవద్దు అన్నారు. వాళ్ళు అధికారికంగా చెప్పినదాని ప్రకారం వ్యాధి నిరోధక శక్తి తక్కువగా ఉన్నవారికి మాత్రమే కోవిడ్ వస్తుంది. ఇక్కడ రెండు విషయాలు గమనించాలి. జనం ఎప్పుడూ భయపడుతూ నకారాత్మకమైన ఆలోచనలతో వుంటే వాళ్ళ రోగనిరోధక శక్తి తగ్గిపోతుంది. పట్టణాల్లో అపార్ట్ మెంటుల్లో తాజా గాలికీ ఎండకూ దూరంగా వుండిపోవటం వల్ల రోగనిరోధక శక్తి పెరగదు. రోగాలను తట్టుకునే శక్తినిచ్చేటందుకు అత్యవసరమైన డి విటమిన్ శరీరానికి దొరకదు. లాక్ డౌన్ల వల్ల ఉపాధులు పోయిన జనానికి డబ్బు లేకపోవటం వల్ల రోగ నిరోధక శక్తి నీచ్చే బలవర్ధకమైన పండ్లు లాంటి పదార్థాలు కొనటం వీలు పడదు. అందువల్ల, అసలు వ్యాధి కంటే టీవీల్లోనూ, టెలిఫోన్ కాలర్ ట్యూన్ల ద్వారానూ ఊదరగొట్టి కరోనా భయాన్ని అదేపనిగా ఎక్కించటం వల్లనే ఎక్కువమంది చనిపోయివుంటారు. ఇంతగా ఊదరగొడుతున్నా మరణాల రేటు 1% మాత్రమే వుంది. ఉపాధులు పోయిన కోట్లాది జనం గురించి కానీ, ఆకలితో చనిపోయినవారి గురించి గానీ ఏ లెక్కలూ చెప్పటం లేదు.

ఇక మూడవది. నిజంగానే ఈ నిరంకుశ లాక్డౌన్లు, ప్రాణాంతక టీకాలూ ప్రజల ఆరోగ్యాన్ని రక్షించటం కోసమే అయితే మరి మన ప్రభుత్వాలు సిగరెట్లు, మద్యం గుట్కా వంటి పదార్థాలు తయారు చేసే ఫాక్టరీలను ఎందుకు మూసివేయవు? మద్యం తాగటం వల్ల కేన్సర్ రావచ్చునని తెలిశాక కూడా, తాగి వాహనాలు నడపటం వల్ల జరిగే దుర్ఘటనల్లో ప్రాణాలు పోతున్నాయని తెలిసినా కూడా, తాగుడు వల్ల కుటుంబాలే నాశనం అవుతున్నాయని చూస్తూ కూడా ప్రభుత్వాలు తాగుడును ఎందుకు ప్రోత్సహిస్తున్నాయి? వ్యవసాయంలో వాడే రసాయనాలూ పురుగుమందుల కారణంగా కేన్సర్, చక్కెర వ్యాధి, మూత్రపిండాల వ్యాధి, ఇంకా రకరకాల వ్యాధులు విజ్రుంభించి లక్షలాదిమంది ప్రాణాలు తీస్తున్నాయి. గడచిన ఇరవై సంవత్సరాల్లో మూడు నుంచి నాలుగు లక్షల మంది వరకూ రైతులు ఈ రసాయనిక వ్యవసాయం వల్ల ఆత్మహత్యలు చేసుకున్నారు. జన్యువుల మీద ప్రభావం చూపించి, చిన్నపిల్లలను పక్షవాతానికి గురి చేసే హానికర పురుగుమందులను అరికట్టాలని అందరూ డిమాండ్ చేస్తున్నారు. పొలాలను నాశనం చేస్తున్న భయంకర కాలుష్య పరిశ్రమలను మూసివెయ్యాలని డిమాండ్ చేస్తున్నారు. ఇప్పటి ప్రభుత్వం గానీ ఇంతకు ముందున్న ప్రభుత్వాలు గానీ ప్రజల ఆందోళనలను పట్టించుకోలేదు. కోవిడ్ నిబంధనలు పెట్టి, అత్యంత వేగంగా టీకాలు తయారుచేయటానికి ప్రభుత్వం సిద్ధమైపోతున్నదంటే అదంతా మన ఆరోగ్యం కోసమేనంటే నమ్మశక్యం కాదు. ఇదంతా మనల్ని టీకా వేయించుకోవటానికి సిద్ధం చేయటానికే!

బిల్ గేట్స్ కూడా విశ్వవ్యాప్త వ్యాధి రాబోతున్నదని 2015 లోనే జోష్యం చెప్పాడు. అమెరికా తరువాత ప్రపంచ ఆరోగ్య సంస్థకు విరివిగా విరాళం ఇచ్చేది ఇతనే. ప్రపంచ ఆరోగ్య సంస్థ ఇప్పటి డైరెక్టర్ జనరల్ టెడ్రోస్ కూడా బిల్, మెలిండా గేట్స్ ఫౌండేషన్ లో ఒకప్పుడు పనిచేసినవాడు. సిడిసి, ఎఫ్.డి.ఏ.లు రెండూ కూడా గేట్స్ ఫౌండేషన్, ఇంకా ఇతర మందుల కంపెనీల దిగ్గజాలు మెర్క్, ఫైజర్, జాన్సన్ అండ్ జాన్సన్, ఇంకా ఇతర కంపెనీలు కోకాకోలా, మైక్రోసాఫ్ట్ వగైరాల నుంచి నిధులు తీసుకుంటాయి. ‘గావీ వాక్సిన్ అలయన్స్’ ద్వారా గేట్స్ ఫౌండేషన్ ఆసియా, ఆఫ్రికాల్లోని వివిధ ప్రభుత్వాలకు (భారత దేశానికి కూడా) నిధులిస్తుంది. ప్రజల ఆరోగ్యం కోసం ప్రభుత్వాలు ఏమి చెయ్యాలో చెప్తుంది. వీళ్ళ ‘దానం’ లో అధిక భాగం పిల్లలకు టీకాలు వేయించటానికే. టీకాలను తయారు చేసే కంపెనీలలో బిల్ గేట్స్ భారీగా పెట్టుబడులు పెట్టాడు. జాన్ హాప్కిన్స్ యూనివర్సిటీలో ఈవెంట్ 201 జరపటానికి ప్రపంచ ఆర్థిక ఫోరంతో కలిసి గేట్స్ ఫౌండేషన్ నిధులు సమకూర్చింది. ఈ విశ్వవ్యాప్త వ్యాధి మొదలైన దగ్గరనుండీ బిల్ గేట్స్ ‘మనం మళ్ళీ ‘కొత్త మామూలు స్థితి’కి రావాలంటే “ప్రపంచం మొత్తానికి టీకాలు వేయిస్తేనే గానీ వీలుపడదు” అని ప్రకటిస్తూ పెద్ద డాక్టర్ లాగా, జోస్యుడిలాగా అవతారం ఎత్తాడు. భారత్ బయోటెక్, సీరం ఇంస్టిట్యూట్ ఆఫ్ ఇండియా, ఫైజర్, మోడెర్నా… ఈ నాలుగు కంపెనీలూ టీకాలను శరవేగంతో తయారు చేస్తున్నాయి. ఇవన్నీ గేట్స్ ఫౌండేషన్ నుంచి నిధులు పొందుతున్నాయి. రోగ లక్షణాలే చాలమందిలో కనబడనిదీ, మరణాల సంఖ్య 1% మాత్రమే ఉన్నదీ అయిన ఈ రోగానికి భారత దేశపు 130 కోట్ల జనాభాకు టీకాలివ్వటానికి భారత ప్రభుత్వం 36,000 కోట్ల రూపాయలు ఖర్చు పెడుతున్నది. ఇక మీరే ఆలోచించి ఖాళీలు పూరించుకోవచ్చు.

కంటికి కనబడుతున్నదానిని మించినదే ఈ స్కామ్ లో ఉన్నది.

మరి టీకాల సంగతి ఏమిటి?

భారత్ బయోటెక్ తయారు చేస్తున్న కోవాగ్జిన్, సీరం ఇంస్టిట్యూట్ ఆఫ్ ఇండియా తయారు చేస్తున్న కోవిషీల్డ్ లేదా ఆక్స్ఫర్డ్ ఆస్ట్రజెంకా… ఈ రెండు టీకాలనూ భారత ప్రజలకు ఇస్తున్నారు. ప్రజల నోళ్ళలో నానుతున్న టీకాలన్నీ కొత్త టెక్నాలజీలను వాడుతున్నాయి. అతివేగంగా తక్కువ సమయంలో తయారైనాయి. భారతదేశంలోని చిన్న పిల్లలకి వేసే టీకాల కార్యక్రమంలో భాగంగా వేసే టీకాల తయారీకి 10 నుండి 20 సంవత్సరాల పైన పట్టింది. ఇక్కడ మనం కొత్తదని చెప్పబడుతున్న వ్యాధిని చూస్తున్నాం. దానికి మనం ఏడాది లోపున టీకా తయారయ్యింది!! దీనిని ప్రతి ఒక్కరికీ ఇస్తారట. కేవలం 1% మరణాల రేటున్న వ్యాధికోసం మనం మొత్తం 100% మంది జనానికి, సరిగ్గా పరీక్షలు జరగనిదీ, నమ్మటానికి వీలు లేనిదీ అయిన కొత్త టీకాను వేస్తున్నాం. ఆ టీకా వల్లనే కోవిడ్ రావచ్చు. దీనివల్ల తీవ్రమైన రియాక్షన్లు రావచ్చు. మరణం కూడా సంభవించవచ్చు. తీవ్రమైన పక్షవాతం, మరణం లాంటివి ఒక్క భారతీయ టీకాలకే కాదు ఫైజర్, మోడెర్నా వంటి కంపెనీల టీకాలవల్ల కూడా జరగవచ్చు, జరిగాయి కూడా.

భారత్ బయోటెక్ వాళ్ళ కొవాక్జిన్ టీకా, మూడవ దశ పరీక్షలను పూర్తి చేసుకోలేదు. ఇది ఎంతవరకూ పనిచేస్తుందో ఇంకా నిర్ధారించబడలేదు. ఇంకా మూడవ దశ పరీక్షలు జరుగుతున్నాయి. అయినా సరే అత్యవసర పరిస్థితుల్లో దీనిని అమ్మటానికీ సరఫరా చేయటానికీ అనుమతి ఇచ్చేశారు. అంటే కొవాక్జిన్ ఎవరు తీసుకున్నా వాళ్ళు ఇంకా మూడవ దశ పరీక్షల్లో ఉన్నట్టే. నాకు ఒక డాక్టర్ మిత్రులు చెప్పినదాని ప్రకారమైతే కొవాక్జిన్ తీసుకోవటం మంచిదని ప్రచారం జరుగుతున్నది. ఒక టీకాను ఒక సంవత్సరం లోపునే తయారు చేసేసి ఇంకా దానిమీద పరీక్షలు పూర్తి కాకముందే ‘అత్యవసర పరిస్థితి’ అని చెప్పబడేదాని కోసం, అమాయక జనానికి టీకాలు ఇవ్వటం ఇదే మొదటిసారి.

అన్ని టీకాల విషయంలోనూ తయారీదారులకు ఈ టీకాలు వందశాతం సమర్థవంతంగా పని చేస్తాయన్న నమ్మకం లేదు. కొంతమంది 80% అనీ కొంతమంది 60% అనీ చెప్తారు. అంటే ఈ టీకాలు వేసుకున్నా కోవిడ్ వ్యాధి రావచ్చు. వందశాతం రక్షణ ఇవ్వకుండానూ, ప్రజల్లో వ్యాధిని వ్యాపించటాన్ని అదుపు చేయలేకుండానూ వుంటూ, తీవ్రమైన దుష్ప్రభావాలు కూడా వున్న టీకాలు వేయించుకోడానికి ఎవరు ముందుకు వస్తారు? మొదట ఒక్క సారి సూదిమందు అన్నారు. తరువాత రెండు డోసులన్నారు. మళ్ళీ ఇప్పుడు బూస్టర్ డోస్ కూడా వుంటుందంటున్నారు. ఇన్ని చేసినా రోగనిరోధక శక్తి ఎంతవరకూ నిలుస్తుందో తెలియదు. కొన్ని నెలలు మాత్రమే ఉంటుందని రిపోర్టులు చెప్తున్నాయి. అమెరికా లో ఫ్లూ జ్వరానికి వేయించుకున్నట్టే ప్రతీ ఏడాదికి వేయించుకోవాలని కూడా అంటున్నారు. అధికారిక రిపోర్టుల ప్రకారం వైరస్ ఇప్పటికే పరివర్తనం చెందింది. 2019 లో వచ్చిన కరోనా వైరస్ ను ఆధారం చేసుకుని తయారు చేసిన టీకా, కొత్తగా పరివర్తనం చెందిన వైరస్ మీద ఎలా పని చేస్తుంది?

కొవాక్జిన్ లో అచేతనం అయిన సార్స్ కోవ్.2 ఏన్టిజెన్ తో బాటు అల్యూమినియం హైడ్రాక్సైడ్ జెల్, ఇమిడాజోక్వినోలినోన్, 2- ఫెనోజెతనోల్, ఫాస్ఫేట్ బఫర్ సలైన్ (భారత్ బయొటెక్ ఇచ్చిన వివరాల ప్రకారం) ఉన్నాయి. టీకాలో వాడిన పదార్దాల పూర్తి వివరాలు ఇవ్వలేదు. అల్యూమినియం హైడ్రాక్సైడ్ జెల్ న్యూరోటాక్సిన్ అంటే మెదడుని, నాడి వ్యవస్థని దెబ్బతీస్తుంది.

కోవిషీల్డ్ లేదా ఆస్ట్రాజెంకా టీకా లో పాలీసార్బేట్-80 అనే కాన్సర్ కారకం ఉంది. ఇది జన్యుమార్పిడి చేసిన మానవ పిండపు కిడ్నీ కణాలనుండి (HEK 293) తయారవుతుంది. “జన్యుమార్పిడి చెందిన కణాలనుంచి తయారు చేయబడినద”ని స్పష్టంగా చెప్పబడింది. మనం అందరం జన్యుమార్పిడి పంటలని వ్యతిరేకించాము. బిటీ వంకాయ,గోల్డెన్ రైస్ లకు వ్యతిరేకంగా దేశం మొత్తం పోరాడింది. జన్యుమార్పిడి ఆహార పంటలను తీసుకురావటానికి వ్యతిరేకంగా ఇప్పటికీ సుప్రీం కోర్టులో కేసు జరుగుతొంది. జన్యుమార్పిడి కణాలు/ మొక్కలు దేశపు జీవ వైవిధ్యాన్ని దెబ్బ తీస్తాయనీ, అలాగే వినియోగదారులు తీవ్రమైన అనారోగ్యం పాలవుతారన్నదే ఈ కేసులో ముఖ్యమైన వాదన. జన్యుమార్పిడి పంటలవల్ల తేనెటీగలు నశించిపోతున్నాయని మనకు తెలుసు. ఇక ఇప్పుడు జన్యు మార్పిడికి గురైన చింపాంజీ అడెనోవైరస్, ఇంకా ఇతర జన్యుమార్పిడి కణాలను ఆరోగ్యవంతులైన వ్యక్తుల రక్తంలోకి టీకా రూపంలో సరాసరి ఎక్కిస్తున్నాం. కాని ఇది చాలా సురక్షితమని ప్రజలు భావిస్తున్నారు.

కోవిషీల్డ్ లో మెగ్నీషియం క్లోరైడ్ హెక్సాల్ హైడ్రేట్, పాలీసార్బేట్-80, ఇతనాల్, సుక్రోజ్, సోడియం క్లోరైడ్, డైసొడియం ఎడెటెట్ డిహైడ్రేట్ (EDTA) తో బాటు ఎల్ హిస్టిడైన్, ఎల్ హిస్టిడైన్ హైడ్రోక్లోరైడ్ మోనోహైడ్రేట్ ఉన్నాయి. (సీరం ఇంస్టిట్యూట్ ఆఫ్ ఇండియా వివరించినదాని ప్రకారం). పాలీసార్బేట్-80 కేన్సర్ కారక పదార్ధం.

ఎల్ హిస్టిడైన్, ఎల్ హిస్టిడైన్ హైడ్రోక్లోరైడ్ మోనోహైడ్రేట్ లను నానో టెక్నాలజీలో కార్బన్ డాట్స్/ క్వాంటమ్ డాట్స్ ను స్రుష్టించటానికి వాడతారు. ఇవి టీకా వేయించుకున్న శరీరంలో గుర్తుగా కనిపిస్తాయి. ఇవి మాములుగా కళ్ళకు కనిపించవు గానీ మన శరీరం ఇన్ఫ్రా రెడ్ కిరణాల కింద చూసినప్పుడు, లోపల నుంచి వెలుగు చీమ్ముతు కనిపిస్తాయి. ఇప్పటి వరకూ సంప్రదాయకంగా వేస్తున్న టీకాల్లో ఇటువంటి టెక్నాలజీలు వాడలేదు. డిజిటల్ గుర్తింపు కార్డుల తయారీకోసం పనిచేస్తున్న ID2020.org టీకాల ద్వారా డిజిటల్ గుర్తింపును ప్రవేశపెట్టటానికి ప్రయత్నిస్తున్నది. ID2020 భాగస్వాములు GAVI వాక్సిన్ అలయన్స్ (ఇది బిల్ గేట్స్ మూడవ ప్రపంచ దేశాలకు టీకాలు పంపిణీ చేయటం కోసం ఏర్పరచిన సేవా సంస్థ), మైక్రోసాఫ్ట్, IDEO.org, రాక్ ఫెల్లర్ ఫౌండేషన్. రాబోయే కాలంలో మనం టీకాలు వేయించుకోగానే మనం డిజిటల్ గా గుర్తింపు పొందుతాం. ఈ డిజిటల్ గుర్తింపు కార్డు “న్యూ నార్మల్ ” లోకి వెళ్ళటానికి మన పాస్ పోర్ట్ కాబోతున్నది.

భారతీయ, విదేశీ టీకాలన్నీ నానో కణాలను, క్వాంటమ్ డాట్స్ ను వాడే కొత్త రీకాంబినెంట్, ఎం ఆర్ ఎన్ ఏ టెక్నాలజీలను వాడటమో, వాడటానికి ప్లాన్లు వేయటమో చేస్తున్నాయి. ఇవన్నీ 5జి, క్రుత్రిమ మేధ, క్వాంటమ్ కంప్యూటర్లను వాడుతూ ప్రజల పైన 24/7 నిఘా పెట్టె శక్తిని కలిగివుంటాయి. మన శరీరంలో ఒక్క సారి ప్రవేశ పెట్టిన ఈ డిజిటల్ tattoos / డిజిటల్ ID లు ఇక ఎప్పటికి మనని కావాలి కాస్తుంటాయి.

ఇప్పటి కొవాగ్జిన్, కొవిషీల్డ్ లను డిజిటల్ ట్రాకింగ్ కోసం ఉపయోగిస్తారా? ఏమో కాలమే చెప్పాలి. భవిష్యత్తు ఖచ్చితంగా అలాగే కనిపిస్తున్నది.

మసాషుసెట్స్ ఇన్ స్టిట్యూట్ ఆఫ్ టెక్నాలజీ లొ డిజిటల్ పచ్చబొట్ల కోసం ఉపయోగించటానికి క్వాంటమ్ డాట్ల రంగులను తయారు చేయటానికి ఒక ప్రాజెక్టుకు బిల్ గేట్స్ నిధులు ఇస్తున్నాడు. అతిచిన్న సూదులున్న డిజిటల్ పచ్చబొట్లను ఉపయోగించి క్వాంటం/కార్బన్ డాట్స్ ను మన చర్మంలో దూర్చి టీకాలు వేస్తారు. ప్రత్యేకమైన స్మార్ట్ ఫోన్లతో వాటిని చూసి, ఆ వ్యక్తికి టీకా వేశారా లేదా తెలుసుకుంటారు. దానిలో టీకా స్టేటస్, టీకా సంఖ్య, తేదీ వగైరా ఉంటాయి. క్రెడిట్ కార్డు, బాంక్ అకౌంట్, ఇంకా ఇతర వివరాలు భద్రపరచుకోవటానికి కూడా ఉపయోగించవచ్చు. ఈ డిజిటల్ గుర్తింపు కార్డుల ప్రాజెక్టులో ఇతర కంపెనీలతో బాటు మాస్టర్ కార్డ్ కూడా భాగస్వామి. మీరు ఇంటర్నెట్ లోకి వెళ్ళి టీకాలలో క్వాంటమ్ డాట్స్ అని వెదికితే మీకు ఇరవై యేళ్ళుగా జరుగుతున్న ప్రయోగాల గురించి చాలా సైంటిఫిక్ జర్నల్స్ దొరుకుతాయి.

చాలామంది శాస్త్రవేత్తలు, సామాజిక కార్యకర్తలు డాక్టర్లు ఈ ప్రక్రియలోని నైతికత గురించి ప్రశ్నిస్తున్నారు. ఎవరు మనని భౌతికంగా అదుపులో పెడుతున్నారు, ట్రాక్ చేస్తున్నారు, మన వ్యక్తిగత బయోమెట్రిక్ డాటాను భద్రపరుస్తున్నారు, ఎక్కడ, ఏ ప్రయోజనం కోసం అని వీరు ప్రశ్నిస్తున్నారు. టీకాలు వేయించుకోవటం మీ ఇష్టం అని భారత ప్రభుత్వం అధికారికంగా చెప్తున్నా ఏమి చేసైనా సరే ఈ ప్రయోగాత్మక, ప్రమాదాలు జరగటానికి అవకాశమున్న టీకాలను వేయించుకొమ్మని ప్రజలను బలవంతపెట్టటానికి ప్రయత్నాలు జరుగుతున్నాయి. టీకా పాస్ పోర్ట్ / హెల్త్ పాస్ పోర్ట్ ను తీసుకొచ్చి ప్రజలను టీకాలు వేయించుకునే వరకూ ప్రయాణాలు చెయ్యటానికీ, పని చెయ్యటానికీ వీలు లేకుండా చేసే ప్రణాళికలున్నాయి. జార్జ్ ఆర్వెల్ చెప్పినట్టుగా ఫాసిస్ట్ నిఘా రాజ్యం రాబోతున్నది. ప్రజలు మేలుకోవలసిన సమయం వచ్చింది. “మీ ఆరోగ్యం కోసమే ఇదంతా చేస్తున్నాం” అనే బూటకపు మాట మన మీద డిజిటల్ కొరడా ఝళిపించటానికి పనికొచ్చే పరికరం మాత్రమే. ఈ టీకాలు మనకు చేస్తున్నది ఇదే.

ఆంగ్ల మూలం : సరస్వతి కవుల
skavula09@gmail.com
సామాజిక కార్యకర్త

తెలుగు అనువాదం : లలిత

RELATED ARTICLES

LEAVE A REPLY

Please enter your comment!
Please enter your name here

ఎక్కువగా వీక్షించిన పోస్టులు

వ్యాఖ్యలు